汪明荃（阿姐）、羅家英、陳寶珠和梅雪詩等前晚出席在北角舉行的「八和同心暖四川」籌款活動，阿姐以八和會館主席的身份致辭並帶領一班會員大合唱，阿姐表示昨晚門票收益大約有80多萬，她說：「不過籌款數字仲未知，因為有唔少會員都會陸續捐錢，我哋有間密室係收錢嘅，仲會有專人點數。」
多難興邦喚醒民心
阿姐表示粵劇界很團結，是次活動一呼百應，大家都不分排位，盡一分力，對於上次大滙演鬧出不少是非，阿姐說：「我之前喺大陸拍劇，唔知呢啲事，可能太多，大家都係想用心做好一件事啫，冇計較嘅。」家英哥昨晚除擔任司儀外，還是公關，他說：「大家都好齊心，溫家寶講得好啱，多難興邦，地震喚醒咗大家嘅心，世界各地嘅中國人都變得好齊心。」
採訪：胡比
攝影：林德雄