劉青雲前晚少有地西裝筆挺，在中環IFC出席Canali專門店開幕。他自言經常着西裝，青雲說：「我成日着㗎，睇唔出呢，老婆鍾意我着西裝，我覺得着西裝好舒服，一啲都唔拘謹。」
選擇助養孤兒
青雲公開表明不會生育，現時四川多孤兒，問他有否考慮領養？他說：「我哋決定咗過二人世界，𠵱家都有助養中國、非洲孤兒，我會選擇助養，而唔會領養返屋企。」他又表示現時會休息至9月才開戲，暫時做住家男人，他說：「我做住家男人先，平時都係行街、游水、做運動，過啲簡單生活。」同場還有曾與陳霽平、李思蓓等女星傳過緋聞的大律師韓尚志，他在3月時與楊受成外甥女楊文（Vivian）結婚，問到太太如何成功綁住花弗的他？韓尚志說：「唔係綁住我，係大家好夾，我哋識咗十幾年，喺埋一齊好舒服，幾年前我就認定係佢。」
採訪、攝影：顏英儀