陳敏之、楊秀惠、呂慧儀、陸詩韻、張嘉兒、周美欣、楊洛婷、黃長興及黃長發等，昨日於尖沙嘴出席無綫舉辦的《TVB最受歡迎電視廣告大獎2008》記者會，眾藝人更即場宣佈各大獎的最後五強，擔任司儀的陸詩韻及楊秀惠打扮得較為性感，楊秀惠笑指身上已很多布，她說：「都唔係好性感，咁多港姐喺度，我都怕比下去，所以剩番少少咪露下囉。」楊秀惠表示希望有機會接拍內衣廣告，至於會否着T-back時，她說：「等我練屁股實啲先！」
陸詩韻闖商界
陸詩韻表示有意進軍商界，故目前正積極儲錢開店，她說：「都會同人合資，未知做邊方面嘅生意，都仲計劃緊。」對於早前不少新聞指她與不少富貴朋友來往，令她感到有點不開心，她說：「我唔想俾人以為我用呢啲去宣傳，對我形象都唔係太好，所以都有少少唔開心。」此外、張嘉兒對於有報道指今年香港小姐選舉，無綫方面更內定5號梁倩汶冠軍，她說：「我唔知，個個都好有實力，無綫係好公平㗎。」
採訪：王崇穎
攝影：林德雄