唔明點解男仔特別鍾意日本男潮雜誌《Smart》，後來明白因為那幾頁Nude晒的SmartGirl，個個㗎妹擺出意淫Pose，雜誌都唔使封膠袋，如此開放的日本，難怪成為男人眼中的樂土。一輯不經修飾的即影即有照，令攝影師米原康正得來日版TerryRichardson的美譽。今次來港，首邀操刀為香港女模拍照，二十分鐘ShowTime，得來「斬件才是美」的答案。
記者：許維雅
攝影：梁細權
Model：Wiyona
Makeup：Meegan@brightenup
米原外形唔算高大，身材肥嘟嘟，正宗㗎仔樣，一身至Hot潮牌的嘻哈打扮，影相擺Pose同樣充滿自信，絕對型得起。
不愛相機只愛女
蘋果（蘋）
米原康正（米）
蘋：在你眼中，香港女仔同日本女仔有甚麼分別？
米：我已經第4次來港，好好玩！每一次來都有不同感覺，永遠有着新鮮感。我認為女仔嘅分別唔係在於國家，而係佢本身嘅個性同性格。
蘋：於香港拍攝與在日本工作有甚麼分別？怎樣可以拍得女生最靚的一面？
米：因為第一次於香港工作，唔太熟你哋嘅文化，所以一切都以簡單為主。喺日本，通常我計劃影一輯相，都會先了解拍攝Model嘅性格，搵一個最合適嘅人選，所以冇乜難度，10分鐘影完一輯。想影得輯相靚，我會第一時間搵Model最靚嘅部位，然後不停強調佢靚嘅地方，最重要係令Model覺得我哋合作一齊影靚相，啲相先最自然。
蘋：你眼中最靚的女仔是怎樣？
米：其實我都係為滿足讀者，每段時期都會興不同味道嘅女仔，所以我亦會因時代唔同而改變，正如6年前，我未必會影Lena。我唔會主觀判斷個女仔靚唔靚，總之唔想畀我影嘅女仔，我就唔會影，因為我只會重視我影咗啲咩，畀啲咩讀者睇。我覺得最重要係捕捉個女仔最靚嘅角度。（捕捉技巧靠天生定練習？）哈哈……我估係天生。以前有好多人想學我嘅手法，但都失敗。
蘋：之前一直擔當編輯的工作，為何突然開始你的攝影生涯？
米：01年擔任《SmartGirls》嘅編輯，希望用即影即有相機拍低花絮，點知迴響好好，兩期加埋賣咗30萬本，從此就開始我嘅拍攝生涯。我冇學過影相，對相機亦冇興趣，我只係對女仔有興趣。揀以即影即有拍攝就是貪佢夠方便，喜歡那種跟Model直接的交流。
蘋：你認為《SmartGirls》是鹹書嗎？為何可以如此成功？
米：我出書目的只係想影有Sexy美感嘅相片，出發點更加係畀女仔睇，令佢哋都覺得啲相靚。所以出完第一期，就有好多女仔應徵做SmartGirls，我估呢個就係成功嘅地方。至於係咪鹹書，就留番讀者自己判斷啦！
首次操刀影港女拍攝花絮：
1.米原親自教Model擺Pose，亦會指點Model手腳擺放位置。
2.對打燈毫無講究的米原，燈只需一盞，開着，夠光就算。
3.自言從未用過單鏡機，這部Fujiinstax7chekiorange及RicohGRDigital就是他的所有器材，問你服未？
將於7月推出的TokyoAmour，集米原多年來珍藏，為10月舉行的紐約展覽作準備。¥6,500（約$478）
01年第一期《SmartGirls》以今宿麻美做封面，米原用即影即有影低作花絮，那刻就觸發了其攝影生涯的開始。
Lena最新CD由米原影Cover，DVD內其中一首MV同樣由米原拍攝。CD不連PrintTee獨立發售價$299
2%×米原×Lena
3個鐵腳組合，最受注目當然係新一輯春夏季廣告。今次米原來港，搞了一個短短3日的展覽，更推出這件特別限量版性感LenaPhotoPrintTee。
2%×米原×Lena別注PhotoPrintTee，黑白版於展覽當日為保護遺棄動物協會作籌款，彩色版將連同Lena最新CD作BoxSet發售。$399
BestPick：
除2%外，店內同時兼有＋－×÷及ODF共3個品牌，當中ODF以Tee為主，＋－×÷款式較斯文，而2%就走年輕少女路線。今季最新貨款不離背心熱褲的夏日配搭，同樣用Basic低調的骨幹，加入Trendy元素，耐看易襯。
2%杏色上衣連腰封套裝$268
＋－×÷黑色3個骨鬆身褲$329
2%灰色閃片圖案背心$168
2%黑色掛頸露背上衣$168
2%黑色牛仔熱褲$368
店舖查詢：
2%（25732209）銅鑼灣景隆街4號地下
2%（23334650）黃埔花園商場第二期G26/B19號舖