陳茵媺噚日喺無綫出席有關歐洲國家盃嘅新聞發佈會，講到有報道話佢爹哋送咗層樓畀佢，不過佢就嫌唔夠私隱，所以要換樓。陳茵媺承認有呢件事，佢話唔係好習慣住喺太旺嘅地方，加上之前試過俾人偷拍，陳茵媺話知道係記者都唔介意，最怕係俾陌生人跟蹤，始終一個女仔住，唔係幾方便，所以佢會趁爹哋仲喺香港，同佢好好商量。