唇膏是自古以來的女性恩物，但亦因此而令好多人誤會唔化妝都搽啲唇膏，等個樣睇落Sharp啲，其實咁做反而只會自暴其短！想有亮相，眼妝和唇妝的顏色一定要Match得好。最近化妝師RickChin頻頻在三色台的節目亮相，人紅就自然多亮相機會，今次HelenaRubinstein（HR）就找他出口，唯一徒弟仔WillWong就出手，化出了夏日妝容的靜與動。
記者：陳諾堯
攝影：林栢鈞
Hair：Alex@HUGE
動感 紅唇PartyGirl
「HeyHey！跟我擺，要跳到髮尾都會擺，BeHappyBeCrazy……」，那管是沙灘派對或夜蒲，夏日包無衰定律是化個Sharp醒搶眼妝，推介藍眼跟紅唇，包保距離一個舞池咁遠，都清楚見到妳個Sharp樣！其實紅色唇膏並唔難Carry，只要眼妝Match得好，看落便不會太過Shocking！
ForEyes
1.在上下眼線位畫上黑色眼線後，在眼窩的尾部掃上黑色眼影。
2.然後在眼窩中間位置掃上深藍色眼影。再於前眼窩位掃粉紫色眼影。
3.避免黑色下眼線看落太實，加上深藍色眼影於下眼線會更好。最後在上下眼睫毛上塗黑色睫毛液。
ForLips
面頰兩旁掃玫瑰色胭脂。說到重點唇色配襯，建議先塗鮮紅色唇膏，再塗桃紅色唇彩。
靜態 粉飾OL上班Look
日光下行街返工，個妝不宜化得太搶，但化得太淡又好似冇化咁，就等阿Will教大家以下的粉色Look，粉飾一下塊面，變成亮相妝容啦！粉紫色唔係人人搽都靚，Carry到就會有優雅少女Feel，Carry唔到就會眼腫面腫。阿Will教路，只要在眼窩弧位掃上深紫色眼影，即可解決浮腫問題。粉紫眼襯淺粉色嘴，配搭簡單自然有美感。
ForEyes
1.先在整個眼窩位置掃上粉紫色眼影。
2.在眼窩的弧位掃上深紫色眼影。
3.將粉紫色掃於眼頭，然後將它Blend開；再將深紫色掃下眼線Blend開。
4.最重要在上下眼睫毛上塗上黑色睫毛液。
WantedEyesColorDuo#30NightMystery$270
ForLips
先塗上啡橙色唇膏，阿Will話貪佢係百搭唇色，適合大部份膚色人士，色調自然易襯。再襯上桃紅色唇彩。
夏季層次眼
阿Rick話眼妝就最緊要有層次，亞洲人就唔好搽太Nude色嘅唇膏。「其實都冇話夏季特別興咩色，但係今季會玩PointMakeUp，眼妝同唇妝都會好Fine好細緻，眼妝層次感強，唔會淨係搽一個Tone嘅眼影，就算係EarthTone眼妝，都可以用金、啡和珍珠白等顏色做Layering。至於大家都見到好多FashionShow妝都玩Nude嘴，但我建議亞洲人唔好搽得太Nude，因為好易變病容，感覺會唔精神同好殘。另外，今季都唔再興玩太Juicy嘅唇彩，反而興幻彩Feel，當陽光曬到嘴唇時會有唔同折射顏色，最啱夏天。」
唇膏要出色先上Concealer
原來好多人都揀唔啱適合自己嘅唇膏，又或者支唇膏嘅原色和搽了上嘴的顏色有分別，想唇膏出色？跟化妝師阿Will偷吓師先！「其實有兩個方法，一係就要買支搽出嚟好實色嘅唇膏，又或者先用Concealer、粉底等在唇上輕輕蓋淺唇色，再搽唇膏。緊記要塗到最好先搽潤唇膏，避免唇膏色變淡。而我自己幫人用過好多支WantedRouge，發覺佢唔同普通嘅唇膏，唔使上Concealer都好出色。」
新登場WantedRouge唇膏系列，全蘊含蜂王漿，味道甜美，有長達6小時的保濕修護效果。$230@
查詢：HelenaRubinstein（21968271）