台灣女星湯蘭花早前喺台灣被爆曾與台灣「軍火大亨」單亦誠發生忘年戀，佢噚日喺台灣嘅屋企挹翠山莊吸引大批記者採訪，佢接受訪問時話：「都是很久以前的事情了，提這些沒意義！」之後佢又鄭重澄清報道話單亦誠曾幫佢解決前夫債務一事，湯蘭花好嚴肅咁話：「時間點不對，我們相識時，和前夫的事情早就過去了。」
湯蘭花最近拍攝台視連續劇《幸福捕手》，日前為呢部戲出席宣傳活動時，卻意外被爆出佢同「軍火大亨」單亦誠有一段情，而佢都坦承兩人當年相熟，佢話：「他熱情又善良，也認識很多圈內人，他的確有很多紅粉知己。」湯蘭花聲稱並未正式同單亦誠交往，佢又話：「他喜歡的人很多吧！」佢為咗怕被人冠上女星靠富商嘅誤會，佢特地澄清咁話：「我有非常好的工作能力，從來不必靠別人，我的錢都是流血流汗賺來的。」
刻骨銘心愛三次
湯蘭花喺25歲事業最光輝一刻，閃電下嫁商人應家東，佢息影相夫教子，點知3年後丈夫因為生意失敗，佢疲於應付債主追討龐大債務，最後離婚收場，佢話：「這輩子真正刻骨銘心的戀情只有三段。」
據了解，她除咗前夫應家東，喺20年前亦傳出有意和關島華僑結婚，至於17年前同「軍火大亨」單亦誠嘅一段情，湯蘭花即刻話：「都是過去式了！」喺感情路上佢經歷過幾段轟轟烈烈嘅愛情，令佢聞婚色變，佢話：「我當然也想戀愛，有人牽手散步，但怕男人都不誠實，不想再受傷。」單亦誠早年涉及一宗軍火行賄案，於2000年在香港因行使假護照而被遣返台灣。