黎燕珊和珈潁昨日到油塘一安老院出席「與糭同樂端午節」活動，黎燕珊是劉志榮的治喪委員會成員，她說：「我會代邱德根慰問劉志榮嘅家人，邱生話好想去，但係佢身體唔好，行動唔方便，所以我身負重任幫佢慰問莊姐。」
提早游龍舟水
黎燕珊表示已於上周與家人提早游龍舟水，她說：「之前我同仔女一齊去咗長洲游水，仲去咗張保仔洞㖭，原來嗰度好黑，搞到我好驚，以為會有蛇，不過啲仔女好開心。」
珈潁的母親謝雪心早前簽約成為無綫藝員，以往兩母女齊齊做宣傳，珈潁表示現在兩母女同場的機會仍然有，她說：「好似出邊啲工作仲會一齊，𠵱家都慣咗，我同亞視仲有成年約，簽唔簽埋無綫就順其自然。」
採訪、攝影：駱華齡