葛民輝上月底擔任林海峰講唱會的表演嘉賓，因心臟不適暈倒送院救治，幸好已無大礙。因操勞過度而捱病的阿葛，原來早前執導劉浩龍新歌MV時，已感到身體不適。劉浩龍更踢爆阿葛拍MV愛玩驚喜，還差點令他窒息斃命！
上月底擔任林海峰講唱會表演嘉賓的葛民輝，勁歌熱舞一輪後因心臟不適暈倒送院。阿葛入院前為劉浩龍（師兄）執導新歌《神呀，求求讓我睡》MV，歌名可能更是他的心聲。師兄透露阿葛拍MV時已感到身體不適，當時阿葛雖然帶病在身，但依舊爬高爬低，拍至深宵也未肯收貨，還向工作人員說：「少少唔舒服，少嘢啫。」最終捱出重病來。
講笑話緩和氣氛
師兄提到跟阿葛合作，除了娛樂性十足，還會有意想不到的驚喜。MV中，他被安排在一超級大氣球中拍攝，氣球內的空氣只可讓他生存20分鐘。到最後一個鏡頭，阿葛竟然25分鐘都不讓他出來，師兄頓時感到呼吸困難，忍不住叫停。
問師兄可有生阿葛的氣，他笑說：「嗰刻出嚟真係有少少嬲，但佢引我笑，話覺得我係新一代梁朝偉嘅下半身、張曼玉嘅腰、張立基嘅甫士仲有蔡興倫嘅眼睫毛，過多陣陳奕迅會驚我威脅佢。大家都笑唔停，根本冇人嬲得佢落。」
促康復繼續工作
此外，阿葛又不時發揮搞笑本色，認為師兄只需穿白色背心拍攝便可，他說：「有戲係唔需要着衫，我同啲AV女郎都係咁講，有戲着衫係浪費咗！」師兄希望阿葛盡快康復，事關對方答應為他執導的三首MV還未完成，他說：「我哋一班朋友唔可以冇咗佢，冇咗佢呢個世界會好悶。哈哈！」
撰文：林妃