很多人都說味精無益，但居然有奶奶會加味精畀兩歲嘅孫仔食，令到身為媳婦的大呼救命。
網友頂級美人說：「99（奶奶）煮餸一定落味精，佢話可以令BB食多啲，因為BB唔係好肯食嘢，佢哋一家人多年來都係咁食。𠵱家BB面青青，又成日屙粒粒屎，我老公鍾意畀BB食即食麵，佢話BB好鍾意，我想死。」
有媽媽認為勸服奶奶等於勸服森林的獅子，不如靠自己。但樓主說：「我唔係懶自己煮，試過自己煲一大煲靚湯畀BB，99可以夾硬嚟放味精落去我煲心血裏面。」
樓主要外出工作，沒辦法自己湊，不過也不是那麼悲觀，有網友建議兩歲多就可以入讀幼兒園，到時讀全日制，即可避開奶奶的味精！
http://forum.baby-kingdom.com/viewthread.php?tid=1427547&extra=page%3D1&page=1
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
請附姓名、電話及電郵地址，電郵到：mailto:[email protected]