油價暴升，職業司機實在搵食艱難。以的士小巴為例，當年政府以超低售價作招徠，藉此吸引業界轉用石油氣車種，以改善本港空氣污染問題。先撇除成效是否超著唔講，單係車用石油氣價格已不斷跟隨國際油價大幅攀升，由當初一個幾毫，升到今個月專用氣站價格上限嘅每公升$4.83，計落幾年間升幅達3至4倍，加上車租累積升幅，司機大佬入明顯減少！其實喺呢個情況下，政府係咪應該考慮寬減部份燃油稅，甚至引入更多油公司競爭，免得部份油公司經常「身先士卒」以國際油價高企為理由加價。仲有就係開設更多專用氣站，從而令班司機大佬慳番入氣等候時間，快快手搞掂跑多兩轉，仲可以減少排隊入氣車輛阻塞交通嘅問題。
記者：丹尼斯