剛約滿SillyThing，回復自由身的吳日言，前晚亮相《蘋果》網站直播節目《娛樂開CHAT》，大談自己接工作的感受，日前首次行泳衣騷的她，坦言出場前曾經掙扎，她說：「覺得自己係咪要咁，最後臨出場時深呼吸咗幾吓。」她透露該活動見報後，朋友問她是否經濟出現問題，又是否轉型行性感，她都斷然否認。
此外，當主持懷鈺問吳日言現時的感情狀況時，她竟然說：「大把，好多！」又謂緋聞對藝人來說是一種宣傳手法，對於舊老闆麥浚龍（Juno）與鍾欣桐（阿嬌）這一對緋聞男女，她說：「見到佢經常喺blog度甜蜜滿瀉，咁當然要祝褔啦！」大家可登入《蘋果》網站 http://ent.appledaily.com隨時重溫節目。
採訪：葉雪 攝影：陳順禎
懷鈺髮型：MattChiu（XENTERJUT）
冬菇頭喻奧運
Gilz：我想問吓你入咗行四年，有乜嘢令你好難忘同感動㗎？
吳日言：四年前剪咗呢個冬菇頭，四年後又剪番呢個冬菇頭，好似奧運咁，四年一度，都幾搞笑，呢個髮型令我好難忘。而感動呢，我諗係我班fans，我覺得由出道到𠵱家都有一班歌迷支持我，有時自己迷失嘅時候，佢哋都會提醒我。其實有好多人誤解fans係好嘈、好唔自愛、追車呀咁，但唔係咁㗎！
盼與青雲合作
UFO：我想問你最想同邊位藝人合作拍電影？
吳日言：如果有機會，我想同劉青雲合作，因為佢做警察好嚴肅，扮賓賓又好好笑，我應該可以喺佢身上學到好多嘢。
UFO：你想唔想自己作曲填詞畀自己唱？
吳日言：我學結他都係想可以作歌畀自己，唔想自己只係演繹者，都想填詞㗎，希望可以快啲寫到歌啦！
