奧運將至，除咗可以見到火炬傳送浪接浪，更代表數碼電視即將普及全港，對電視迷嚟講真係一大喜訊。其實數碼電視並非只能安坐家中觀看，只要有部Notebook在手，再買支幾百蚊有交易嘅USB數碼電視接收器（高清手指），即使喺街邊都睇到數碼電視！
記者：許福合
攝影：王文忠
Model：Mandy
USB數碼電視接收器平！
SPEED軟件齊
HD-B100升級版採用第三代處理晶片，操作時熱量較低，配件包括短天線、座枱天線及遙控。播放軟件方面有齊《BlazeDTV》及《TotalMedia》，更有《BlazeVideoConverter》將數碼電視錄影檔轉換格式。
（查詢：Speed29581113）
RCA全高清
RCA能接收香港所有的高清及標清電視頻道，並提供EPG數碼電視電子節目指南，預覽每天全部時段節目。畫面以全高清1080i輸出，支援全螢幕、4:3及16:9畫面比例，播放軟件採用《TotalMedia》。
（查詢：冠恒集團31851030）
Magic-Pro可預錄
同樣收齊本港高清及標清頻道，解像度達1080i，ProHDTV更有16:10、16:9、4:3多種顯示模式。另外，配合《TotalMedia》播放軟件，即可進行預錄，錄製成H.264或MPEG-2格式。
（查詢：Magic-Pro23884168）
ASK外形靚
高清手指中外形以ASKDMB-TH最考究，藍色外殼睇落比較突出，支援本港的高清及標準制式，接收方面問題不大，配件方面包括有天線、遙控，亦提供大廈天線轉換頭。播放軟件方面採用《BlazeDTV》。
（查詢：豐旭31884362）
Grandmars玩直駁
Grandmars採用USB2.0介面，而且因為採用第三代處理晶片，所以長時間操作熱量仍相當低。特別之處係天線位設計成可直駁大廈天線，毋須轉換頭，同時亦可使用外置天線，方便外出使用。播放軟件方面使用《BlazeDTV》，功能齊全。
（查詢：康藝23079084）
即插即裝
要隨時睇到數碼電視，只要有齊筆記簿電腦及一支USB數碼電視接收器就搞掂！要留意因為用電腦欣賞數碼電視，要同時處理畫面及解碼，建議以IntelCore2Duo級以上Notebook機種為佳。
今日我哋以BenQR45試用街頭睇高清，使用前電腦須安裝數碼電視播放軟件，現時最常用是《BlazeDTV》及《TotalMedia》，功能大同小異，右列即以《BlazeDTV》作示範。
《BlazeDTV》設定
1.首先用附送光碟安裝《BlazeDTV》，過程簡單；完成安裝後，將USB數碼電視接收器插入NB，就會自動安裝好驅動程式。
2.《BlazeDTV》介面與一般DVD播放軟件相似，先選擇國家為香港特別行政區，再按確定自動掃描頻道，需時約3-4分鐘。
3.完成後就可透過頻道預覽一次睇晒所有頻道有咩睇，想睇就Click入去。
4.由於畫面已達1080i水準，就咁睇已經靚過DVD質素，加上一般NB屏幕都在17吋以下，用全屏幕睇都好夠用。
5.除咗睇電視，《BlazeDTV》還附有錄影功能，只要點選介面「錄製」就會即時錄影。
6.指南介面具備由電視台提供節目表，更可以直接設定成預錄，相當好用。
7.預錄介面只要選擇頻道、開始時間及錄影長度，留意係高清台錄影時會使用H.264格式，錄影1小時大約要預備3-4GB硬碟空間。
8.若節目有提供多國語言字幕，就可以從介面選擇。
9.部份音樂或電影節目提供Dolby音效，介面內同樣可以選擇。
試睇：室外收得清
好多人會懷疑用高清手指接收數碼電視，質素會否差啲？要知道畫面以數碼形式傳送及處理，論畫面真係同家中睇無咩分別，不過手指使用天線始終比大廈所使用天線弱，間中會有停頓情況，同時接收地點則以室外最佳，若身處室內就要避過盲點先至收到！
