譚詠麟（阿倫）昨日接受商台節目的電話訪問，對於「演藝界512關愛行動大滙演」是非不斷，先有指曾志偉不滿活動儼如東亞群星騷，故在慰勞宴上爆粗，導致林建岳拉隊走人，又有消息指劉德華因為只捐得十萬元善款，才落力為賑災出一分力。
身為活動召集人之一的阿倫昨日就對所有傳聞作出解釋，他說：「當晚我趕住走，但聽返嚟就係志偉係台上講嘢時，畀成龍拍咗佢重要部位，所以佢就講咗嗰句嘢，我知林建岳係一早訂咗枱食飯，唔係拉隊走人。」
輔導華仔
阿倫表示有為劉德華做心理輔導，他說：「華仔話點解佢哋咁講，我就要咁做，我就話唔使咁氣憤，佢係大將，心裏面要知道有咁漫長嘅路，要慢慢攤開嚟做。」對於李克勤批評大滙演安排混亂以及未能獻唱《紅日》，阿倫即說：「點會計較呢啲嘢，嘥時間討論，使乜計較啫。」
撰文：葉雪