關心妍日前接受商台錄音訪問，佢話喺21歲時曾經為愛情同歌手之間做咗抉擇，當時佢選擇咗做歌手，不過如果𠵱家再揀佢會睇吓，如果對方係好男人，佢會放棄做歌手。喺單身家庭長大嘅佢自幼俾父親拋棄，所以對父親節冇乜嘢感覺，佢話：「不過近排覺得自己嘅人生未complete咁，所以我都有想過搵番爸爸，因為佢始終係我爹哋。」