房祖名昨日接受商台訪問時談及緋聞女友薛凱琪（Fiona）和好友林孝賢被指撻着，他強調兩人暫時都沒有另一半，故追求者大可以放心，他說：「報道出咗後Fiona鬧我，話如果唔係因為我就冇呢件事，我會買個沙包畀佢發洩。我同佢講笑話佢有兩粒鑽石同一粒隕石，我同孝賢俾人話係鑽石王老五，方大同就係一個好好男仔，所以比鑽石更勁。」
爺爺囑勿濫交
祖名指有時在派對上有女性要求合照，現時為了保護自己，與陌生女子合照時會將雙手放胸前，他說：「有啲女仔影完相會放上blog或者facebook，有雜誌之前因為呢啲相就話我多女朋友。」他在訪問中也談及跟爺爺和父親成龍的感情，他記得爺爺曾教他不要亂交女友，女友一個便夠，他笑說：「我覺得爺爺係話老婆只可以有一個，但女朋友都可以揀。」採訪：李珮洳