劉浩龍噚日接受商台電話訪問，佢喺月底會出新專輯，問佢係咪專心做嘢唔拍拖住？佢話：「冇規定嘅，分配到時間就得啦，我有好多感情，不過會盡量唔公開，無論圈內圈外都怕會影響對方，而且公開咗，第日喺唔喺一齊都要交代會好煩。」 至於佢嘅緋聞女友鄭融早排接受訪問時大讚佢靚仔過周柏豪，佢話：「咁我都讚番佢靚啦。」