張敬軒昨日與泳兒、江若琳和環球兩位女新人麥家瑜和陳詩慧，出席在新城電台舉行的「《卡拉O！FACE》飛躍校園2008開幕禮」，台長朱明銳更委任張敬軒擔任榮譽校監。
張敬軒透露他的爸爸日前在家噴防蚊水時不小心跌倒，他說：「我爸爸本身行動唔方便，今次跌親仲壓傷隻腳，好彩無傷到骨，不過就壓傷啲神經線，醫生話要佢瞓床兩個月休息，我爸爸又要照顧三隻狗，所以佢都有發爛渣話我唔理啲狗。」
泳兒雲頂遇怪事
張敬軒表示爸爸的性格一向獨行獨往和固執，而且又不喜歡請工人，所以媽咪只好回家照顧他，軒仔說：「本來我媽咪幫我喺廣州搞緊演唱會，不過𠵱家會取消，我仲諗住會返去探吓爸爸，或者會留3、4日左右！」此外，剛剛在馬來西亞開完演唱會的泳兒，她懷疑在酒店遇上怪事，她說：「當時間房得我同媽咪，媽咪仲瞓緊覺，但我聽到廁所有冲水聲同有啲搬嘢聲，搞到我連廁所都唔敢去，𠵱家諗起雲頂都有陰影呀！」
採訪、攝影：何慧斯