無綫新劇《王老虎搶親》昨日試造型，男女主角錢嘉樂、蘇玉華現場大格鬥，蘇玉華一腳「撩陰腿」，嚇得錢嘉樂慌張彈開。錢嘉樂擔正做王老虎，自誇是等同四年一次的奧運一樣珍貴。蘇玉華表示劇中王老虎為人冇腦但好打，由錢嘉樂來飾演絕對是最完美的人選。
錢嘉樂、蘇玉華、胡定欣及陳鍵鋒昨日在將軍澳電視城為無綫新劇《王老虎搶親》試造型，飾演王老虎的錢嘉樂以一身武松的裝扮示人，他表示近年鮮有擔正做男主角，他說：「上一次係《千里姻緣兜錯圈》，咁好嘢（指做男主角）唔多，好耐先有一次，就好似奧運一樣，四年一次咁。」
即場玩爆肚
《王老虎搶親》是一套古裝喜劇，充滿搞笑細胞的錢嘉樂，被問到在拍攝時會否即場爆肚？他說：「會，唔多唔少都會有，不過之前會通知對手，我唔想跣個對手，監製都話點玩都得，不過唔可以咁現代feel。」
劇中的王老虎為人冇腦但好打，蘇玉華試造型時，跟錢嘉樂格鬥，突然使勁踢出一腳「撩陰腿」，嚇得他慌張彈開，錢嘉樂之後說：「好彩冇踢中，我邊度有咁長呀！只係踢到我大髀位！」蘇玉華說：「我都係第一次同嘉樂合作，我覺得呢個角色揀啱佢，冇腦又好打，佢一覺得唔啱就打，我話啱佢唔係話佢冇腦，只係話佢好打，揀佢做係完美人選。」
陳鍵鋒在新劇中要扮女人，他說：「監製話我係同輩中扮女人最靚！」問陳鍵鋒怕不怕又再被指是同性戀者，他說：「講好耐喇！我唔會驚。」
採訪：楊潔雯
攝影：陳慧安