近日趕拍新劇《一枝梅》嘅韓國男星李準基，上周四拍完戲搭保母車由忠北郊區返回首爾時發生咗交通意外。基哥所乘搭嘅保母車成架翻側，但基哥並冇受傷，第二日佢亦繼續開工。另外，日本女星仲間由紀惠喺大前日黃昏揸車時，喺澀谷區唔小心撞向路邊嘅金屬欄杆，車嘅左前方被撞損，但仲間並冇受傷，事後仲透過事務所向公眾致歉。