《信報財經月刊》訪問咗剛剛被炒嘅新地前主席郭炳湘，訪問時間係被炒之前、休假期間。八方睇完篇報道之後相當欷歔，唔係話見到郭家大少個樣百感交集，而係為中國內地嘅法治深表惋惜。訪問中提到，當時仲未被炒、身為郭氏基金會主席嘅郭大少，最近有一個構思，就係資助中國嘅法官同大公司主管來香港讀普通法，擴闊佢哋嘅國際視野。
一個咁有創意、又有利內地改革開放嘅項目，隨住大少嘅下台，唔知有冇機會實現？大少係十一屆政協常委，佢話有時開會聽政協報告嘅時候，覺得有啲人嘅國際視野不足，冇出外睇過世界。不過咁，家陣香港地，普通話緊要過普通法，國際護照緊要過國際視野，阿爺係唔需要咁多法治人才㗎。