李克勤昨日到港台擔任《開心日報》嘉賓，他表示日前「演藝界512關愛行動」大滙演本打算獻唱《紅日》，他說：「我覺得《紅日》啲歌詞好啱，大會就話最好唔好唱自己歌，後來我去到又聽到有人唱《紅日》，中途又有人叫我出去唱，點知唱到一半又播錯帶，冇咗音樂。」
「大家好齊心」
對於有指因林建岳捐了70萬做製作費，故大滙演焦點落在東亞歌手劉德華、鄭秀文和楊千嬅身上，此事更令曾志偉不滿，克勤說：「我好佩服有領導才能同號召力嘅同行，好似志偉、華仔同林生，我喺後台見到大家好齊心。」
至於東亞旗下的劉浩龍，昨日到商台接受訪問時說：「當日所有歌手出場冇話邊個多啲，大家個心都係做善事，我哋成班去完慰勞宴，再同公司嘅人去食飯，因為有工作人員生日，我哋公司所有歌手去晒慰勞宴，已經好支持啦。」
採訪、攝影：李珮洳