林海峰前晚為四川災民義演講唱會，籌得600多萬元，他做善事之餘，也在台上感謝拍檔葛民輝、老婆及家人，又謂要請全家人去長洲旅行，為搞笑騷增添不少溫情。
林海峰（Jan）前晚在紅館義演一場《是但噏求其大合唱PartII》，他的家人、陳志雲、張敏儀及梁錦松夫婦都有捧場。阿Jan甫開騷即公佈是次義演籌得6,395,900元幫助四川災民，他並說有移交支票儀式，他說：「我哋本來安排東亞老闆林生（林建岳）有6分鐘演講，紅十字會代表都有，但時間緊迫一切從簡，好唔好？」
全場觀眾叫好，然後林建岳與商台老闆何驥在台下一同拿出一張真的支票交予紅十字會代表，觀眾見支票不是很大張的那種假支票，而是十分細張的真支票，均捧腹大笑。
爆阿葛反白眼
後來阿Jan謂希望可以籌夠700萬，然後拿着募捐箱走到台下對一名觀眾說：「我講笑話你聽，好唔好聽都捐100啦，唔好笑捐500，有冇問題？如果我自己講自己笑，你就捐1000，上面觀眾冇反應就捐500，做善事大家都唔會計較嘅。」但說罷他就返回台上笑說：「個騷完喇，做完善事，大家可以走。」
節目到高山青龍部份，阿Jan又話要感謝阿葛（葛民輝），他說：「佢冇問題，大家唔使擔心。我諗番佢第一場上台唔係好記得歌詞同台詞，當時好想車佢幾嘢，落台見佢面色唔係咁好，原來朋友就係咁，佢應承咗你做嘅事，就算落到台瞓低都要完成咗先。同阿葛好怪，有段時間冇乜偈傾，呢件事又將我哋拉番埋，希望佢身體健康，早日康復。」事後阿Jan在後台接受訪問，他謂那晚在台上真的看到阿葛反白眼，但平常他動腦筋時也會反白眼，所以不以為然，阿Jan說阿葛尚未出院，他說：「啲同事會同我講佢嘅情況，佢仲爭我四場。」
包隻船去長洲
阿Jan在台上感謝俞琤後，又感謝父母、家姐、細佬及老婆，他表示：「阿媽鬧我搞乜鬼追思會，搞到佢眼濕濕，大吉利是呀。」阿Jan稱決定請全家人去旅行，地點是長洲，他說：「遠嘅成日去，好似日本咁，我哋要去啲唔係成日去嘅，最重要係趁啲船飛就嚟加價前去咗先。」
阿Jan續說：「你知啦，我啲屋企人好富貴㗎，成日周遊列國，我老竇真係好鍾意長洲㗎，我怕overbudget㖭呀……因為我想包船去嘛！」
採訪：胡比
攝影：陳俊強
