楊怡昨日以嘉賓身份，為一間時裝店在尖沙嘴的新店剪綵，同場還有其士集團太子女周蕙蕙和媽媽，周蕙蕙透露因姐姐周惠儀是老闆之一，所以與媽媽出席支持。楊怡坦言對今次的酬勞好滿意，而且更獲贊助服飾。
近期趕拍新劇《家好月圓》的楊怡，被發現臉上「爆瘡」，她說：「咁都睇到呀？呢排大家都趕工，希望喺6月中煞科，7月尾出街。我以前拍劇都未試過要咁趕，可能希望食住個勢。」
斬手指咁痛
楊怡還說已經計劃宣傳策略，就算到時無機會休息都不介意，她笑說：「咁耐冇見人我都想做多啲宣傳，況且為咗呢部劇，我前前後後推咗唔少登台、拍廣告同剪綵，有啲連價錢都冇問，我估計損失都有7位數字，真係好似斬咗好多手指咁痛。」不過，損失慘重的楊怡不感到可惜，她說：「我之前都係因為《溏心風暴》多咗人搵，或者今次嘅效應會有更多收益，我不嬲眼光都睇好遠，𠵱家損失少少都係為將來鋪路。」
採訪、攝影：何慧斯