趙世光前女友譚玉梅昨日手持大袋巨峰提子和日本蘋果到醫院，探望早前剖腹誕下男嬰的妹妹譚紅梅。譚紅梅透露BB早產近10日，稍後會餵人奶，她說：「因為BB胎盤頂住子宮，醫生早咗開刀，一啲都唔辛苦，老公都有入產房。BB會跟我姓譚，中文名未改，英文名叫Daniel，因為老公好鍾意飲一種叫JackDaniels嘅酒。」
身形較長
由於譚紅梅的國泰機師丈夫Jason是外國人，混血男嬰擁有藍灰色眼珠，身形也較長，她說：「因為公公爺爺都有6呎3，可能隔代遺傳啦。」譚玉梅開心用手機狂影BB，她自爆早前大懵得抱錯BB，她說：「我抱咗10分鐘先知係人哋嘅BB。」
採訪、攝影：梁錦雯