一向以型格見稱嘅日本女歌手中島美嘉，宣佈同肥妹搞笑組合森三中組成騎呢搖滾組合「MICA3CHU」，喺下月23號推出英文細碟《IDON'TKNOW》正式出道。美嘉話組合嘅主題係憤怒，仲話要透過歌詞發洩不滿。MV噚日喺YouTube上搶先曝光，但事後已被即時刪除。另外，美嘉近日傳同運動品牌高層蜜運，並受新男友影響而熱衷環保。