記得兩年多前，日系903SH（數碼通行貨SX833）風頭盛極一時，受歡迎程度至今仍見其芳蹤（實情99%已經係舊機），售價更高開$3,380！上個禮拜，「翻版」案件重演，今次主角輪到旋屏電視手機920SH，水貨除咗大部份功能俾人破解咗之外，售價更低於行貨SX862多達$1,700！
台灣解鎖四不准
據講，呢宗破解技術來自台灣，而且冇任何淨解鎖軟件喺市面上流出，即係話，就算早前喺香港買咗部未解功能鎖嘅手機，到𠵱家仍然得物無所用！已破解功能包括：支援影相、拍片、睇片、聽歌、內置遊戲及打中文SMS，不過介面仍沿用英、日文顯示，且不能上網睇串流影片。
咁算唔算正式解鎖？呢樣嘢好難講，但可以肯定係運作方面920SH未算非常穩定。據引入呢款機嘅仁兄講，客人買機前仲要約法四章：1.禁止用ResetAll功能；2.禁止在飛航模式下關機；3.禁止沒有放入電池及SIM卡超過兩至三日；4.禁止沒有放入SIM卡就開機。否則，引致手機重新上鎖嘅話，一切費用由客人自行負責。值唔值得冒險？自己考慮喇！
查詢： http://www.bosco88.com或31162477