方力申噚日喺柴灣拍攝一個水底攝影機廣告，佢已經第二年做呢個產品嘅代言人，問佢有冇加價？佢話：「有好成績，唔代表要獅子開大口，我唔係咁嘅人。」遲啲佢會去日本同一位日本模特兒山本優希拍多一輯廣告，聽講個女仔會着三點式，問佢係咪好開心？佢話：「我唔受得呢種女仔㗎！我都係鍾意啲可愛型女仔，而且屋企人都易啲接受嘛。」