【本報訊】逾300間中小學昨舉行「無冷氣日」，參與師生超過20萬，估計共節省19萬度電，成功減少逾百公噸二氧化碳排放，以實際行動紓緩溫室效應，慳錢之餘亦可培養學生環保意識，向「低碳生活」踏出第一步。
「環保啲 健康啲」
今年是第五屆「無冷氣日」，參與學校之一的天主教善導小學校長何永聰說：「學校會開風扇同門窗上堂，學生唔會太辛苦；其實環保唔止閂一日冷氣，我哋一早已經喺校內設置小型太陽能發電站同舉行有機種植活動，教育學生從小喺各方面都要環保啲。」不少學生自備紙扇撥凉，有學生表示：「今日返學冇冷氣冇問題，因為平時喺屋企都係等天氣好悶熱先會喺瞓覺前開冷氣，老師都成日話如果環保啲，我哋就會健康啲。」
發起活動的環保團體自然足印主席郭穎暉指，冷氣佔本港夏季用電量逾五成，303間學校開少一日冷氣，可減少燃燒50噸煤，同時亦響應今年聯合國倡議的「低碳經濟」宗旨。