黃曉明為咗幫助四川災民重建家園，出錢又出力，佢又再捐出100萬元成立「安康兒童家園基金」，佢上月底仲喺大連搞賑災活動，又籌咗273萬善款。黃曉明趁前日係六一兒童節，特別再到災區探望，為喺帳篷復課嘅小朋友打氣，希望為受地震影響嘅小朋友帶嚟歡樂，雖然災區環境惡劣，但冇阻黃曉明嘅決心，佢承諾稍後會再到訪。