「最美麗的港姐」朱玲玲前晚以慧妍榮譽主席搞ball，前夫霍震霆帶同兒子啓山捧場。二人離婚後關係一直保持友好，但他們前晚合照握手時，卻表現得有點尷尬。對於有指長子啓剛將於奧運後迎娶跳水公主郭晶晶，朱玲玲澄清啓剛與晶晶感情穩定，但暫時未有結婚計劃。
有「最美麗的港姐」之稱的朱玲玲，前晚以慧妍雅集榮譽主席身份現身君悅酒店，出席其周年餐舞會，前夫霍震霆帶同兒子啓山前來撐場，關係友好。由於場面頗為混亂，記者爭取拍攝他們一家三口的「家庭照」，當霍震霆與朱玲玲握手時，兩人都顯得有點拘謹。
指啓剛未諗結婚
近日有傳長子啓剛將於奧運後迎娶跳水公主郭晶晶，作為母親的朱玲玲表示：「啓剛唔喺香港，以我所知，冇結，佢唔會隱瞞，佢哋暫時冇呢個計劃，冇機會同佢講結婚呢個話題。」問到可知二人感情穩定，她表示：「據我所知，係。」
問朱玲玲給未來新抱幾多分？她說：「唔會畀分，不過好滿意。」當問她有否與郭晶晶聯絡，她表示：「靠個仔，不過都有一齊食飯。」
啓山代父打圓場
問到霍震霆前來支持前妻，他表示：「支持慧妍，佢都係慧妍。」記者問他是否感到尷尬，他笑笑表示：「你哋好多嘢都唔知。」記者開玩笑地問他有否拍拖，在旁的啓山即為父打圓場說：「你哋唔好玩uncle！」啓山透露現忙於為家族打理地產業務，問他有否與前女友章子怡聯絡，他表示：「唔好講呢啲。」
採訪：IngridChan 攝影：EdwardChou
