梁小姐習慣午飯後會立即刷牙，防止蛀牙，所以在辦公室也有牙刷、牙膏，但最近聽聞飯後即時刷牙，會刷掉牙齒的琺瑯質，究竟是否有醫學根據？刷掉琺瑯質後果又會怎樣？
牙科醫生李志誠解釋，進食後口腔會變酸，尤其如檸檬、橙、汽水等酸性食品或飲料，會軟化牙齒表面的琺瑯質，若進食後即時刷牙，容易把軟化的琺瑯質刷掉，令牙齒酸蝕（Acidwear）。
當琺瑯質越來越薄，會令牙齒變得敏感，「好多病人會投訴，𠵱家食雪糕、飲凍嘢啲牙會好痠軟，甚至會好痹，以前都唔係咁嘅」。李志誠指出，由於琺瑯質變薄，故牙齒會變得較透光，外表看來較黃、較灰及較為圓滑。
酸蝕可致牙齒過敏
「琺瑯質損耗咗，補唔番，惟有唔好畀佢再惡化落去」。李志誠指，酸蝕可引致牙齒過敏，故應減少進食酸性食品，並不要在進食後立即刷牙，「最快都要食完飯之後45分鐘至好刷牙」，讓口水中和口腔酸鹼度，減低琺瑯質軟化情況，若有食物殘渣留在牙縫則可先用牙線清理，等一會才刷牙。
此外，患者也可用一些防敏感的牙膏，或有助減少進食時過敏情況；若過敏程度難以忍受，則可以杜牙根，令牙齒失去感覺，進食也不會感到又痠又痹。不少港人都愛飲汽水或凍檸茶等酸性飲品，李志誠教路，可利用飲管，減少酸性飲品直接接觸牙齒。
註：歡迎讀者提出疾病疑問，「周日clinic」電郵地址：mailto:[email protected]