久未在港露面的彭丹昨日也現身支持四川賑災，她謂本來昨日要到三亞拍戲，但收到志偉電話邀請決定改機票幫手，她表示已捐過四次錢，她說：「之前有關方面打畀我，話有個九歲女仔同我同名同姓，地震時冇咗父母，問我要唔要收養佢，我𠵱家辦緊手續，我媽咪都好贊成，我自己冇小孩，會畀最多愛心佢，以後我叫大丹佢叫小丹。」
大肚鄺文珣獻唱
張衞健講述災區有為救人而失去兒子的當地民警時，提到自己曾成為8個月父親，勉勵失去子女的災民，他說：「作為父親，我哋對生命好軟弱無力。自從我BB走咗之後，我日日都喊，情感需要宣洩，但眼淚要有停止嘅一日，生命巨輪會為自強不息嘅人轉去幸福之地。」
一班基督徒合唱時段，腹大便便的鄺文珣也亮相獻唱支持，她與其他表演者手拖手演出，雖然肚子相當大，但行動尚算自如。早前被指遭曾志偉三度玩弄的黃家強，昨日也到場傾力演出。