林嘉欣噚日同高皓正以愛心大使嘅身份，去咗喺九龍灣舉行嘅「『樂樂』、『遙遙』助養計劃開展禮」，嘉欣話今年年初去過探訪兒童院嘅細路仔，仲同佢哋玩遊戲，嘉欣話：「相處之後覺得佢哋雖然個個背後都有唔同嘅故事，但係佢哋都好懂事；有時我覺得同佢哋相比，自己嘅煩惱都唔係一回事，反而喺佢哋身上學到好多嘢㖭！」