早排《GT5P》只得美版同日版有得Update做《SpecII》，卒之搞到中港台機迷喺討論區不停喪鬧，終於官方正式宣佈6月5日下午一時後提供更新，呢幾日好儲定200萬買法拉利F1喇！
呢頭亞版更新有着落，嗰頭外國又傳出更新版疑雲。事緣近日喺著名賽車Game網「gtplanet」流傳咗幾張《GT5P》玩緊嘅相，鬥緊嘅車無乜特別，最震驚係賽道居然係「綠色地獄」紐堡林！呢條喺《GT4》玩到班機迷死死吓嘅賽道，現實中一樣係各大廠商同車手嘅英雄地，令人又愛又恨，本以為到09年正式版《GT5》先會出現，點知𠵱家已經有得試玩，所以網上勁傳《GT5P》又有更新，不過睇完條片感覺同《GT4》差不多，只係高清同靚咗，若然真係有更新，相信仲要執番唔少Details。但回心一想，連紐堡林都出埋，《GT5》仲有乜玩？
記者：徐影龍
網址：http://www.gtplanet.net/nurburgring-special-edition-of-gt5-prologue/
若真有高清版綠色地獄，我一定揸番R35挑戰鈴木利男嘅7'29"紀錄。