上個禮拜五競價時段風起雲湧，好多隻股票收市價出現好大波動，成交仲大得驚人，港交所（388）就話係MSCI指數調整嘅影響，你信唔信？
股票市場有好多微妙嘅地方，唔係閂埋門度條橋就搞掂，有時亦都會掛一漏萬，顧住打擊收市嘜價活動，結果新措施適得其反，監管機構今次都要好好反省吓，如果唔作出一啲改變，相信仲會好戲連場。
國內電力股升勢好省鏡，傳聞中央考慮補貼電力企業，呢次可能係真料，電力股C輪可以揀隻嚟炒。
華能C輪5479：華能（902）上周五收6.62元，升4.2巴仙，下一站睇7.4元，可以諗吓隻5479，現價51仙，有效槓桿4.9倍。
正股升上7.4元，5479可見85仙，正股跌穿6.3元，就沽咗隻輪止蝕。