前晚慧妍搞ball，歷任港姐都悉心打扮，鬥性感華麗，恍如另一個選美會，楊思琦穿上單膊低胸晚裝赴會，不過胸口卻有不少暗瘡紅點；至於趙雅芝身為港姐大師姐，當然與夫婿黃錦燊捧慧妍。
「唔想影響救援」
陳法蓉穿上性感深啡色晚裝上陣，她說：「設計師本來想幫我設計件鮮色啲，不過自己想着沉色啲，素色啲，因為最近四川咁多不快事件，雖然今晚衣香鬢影，不過個心掛住四川，之前都想同Ada（蔡少芬）去四川做義工，都有聯絡啲救援團體，不過對方話可能影響當地救援工作，我哋都唔想。」
朱凱婷穿上NoelChu設計的開胸縛帶性感晚裝，她說：「自己食完早餐之後，都冇食嘢。」問她是否過瘦，有點離罩，她表示：「係個設計，好穩陣好弗。」
