【本報訊】家庭主婦去完街市買餸，再幫襯超級市場，當街市蔬果遇上超市蔬果，一時間確是難以辨別。並非所有街市都可提供貨物收據，如何避免誤會，連消費者委員會也答不出。法律界人士則指出，證明某人盜竊，責任在於控方，消費者不必過慮。
草率指控「唔係咁啱」
現時部份街市可用八達通繳費，過數後自動列印收條，留下單據，再去超市就不怕被屈。不過並非所有街市檔口都能提供收據，本報向消委會查詢，有沒有建議可給予消費者，答案是沒有。
被誤會的顧客可能百詞莫辯，或者要像黃婆婆找回街市檔主作證，相當麻煩。不過法律界人士涂謹申指出，即使顧客拿不出證據以表清白，舉證的責任仍在超市一方：「超市都有攝錄機，如果懷疑客人偷嘢，對方又否認，大可以翻睇錄影帶。如果錄影帶證明唔到客人偷嘢，又冇其他人睇到，咁就算客人攞唔出貨物單據，都好難告得入。」
涂謹申並指出，避免誤會的責任應在超市，而非顧客，他說：「咁大間機構，無端端見到個生果就懷疑顧客偷嘢，咁草率指控人，唔係咁啱。」