有線娛樂台嘅節目《"線"動真音樂》，新一輯訪問咗黃家強，喺節目中家強大談哥哥家駒嘅往事，雖然家駒已經離開咗15年，不過佢對哥哥仍然念念不忘，家強講講吓仲哽咽感觸，佢話：「我係好唔捨得佢，佢嘅結他同關於音樂嘅一切，我都保留住，其實當年Beyond解散我唔情願。」佢又以家駒名義舉行慈善音樂會，門票收益捐畀苗圃行動。