【本報訊】「一世人我幾十歲，佢十幾歲（應為54歲）。我幫佢、錫佢，佢又唔知……」96歲李伯懷疑不堪有毒癖的兒子偷了他和老妻的6,000元綜援金「買白粉」，盛怒下狂斬睡夢中的親兒，可能成為本港史上最老的刑事案犯人。他獲准以100元保釋回家後，昨日向記者說：「今次係好衝動嘅事！」但李伯仍然十分維護逆子，指他只是「攞錢去買餸打斧頭啫！」 記者：吳國威
俗語有云「養兒一百歲長憂九十九」，記者昨日到西環邨西苑臺探望已保釋回家的李伯，他剛與90歲老妻吃過白粥早餐。
對於記者問及他為何要斬傷54歲兒子時，李伯精神奕奕但卻語意不清的說：「冇呀！冇斬人呀！」問到兒子偷錢一事時，他有點糊塗的說：「佢攞錢去買餸，不過，唔知買啲咩番嚟，剩點錢咪攞去囉，打斧頭囉，唔知用嚟做乜，或者食白粉啦……」
為省電入夜不亮燈
他承認兒子吸毒，他說自己年輕時行船無時間照顧兒子，問到是否妻子太溺愛他，李伯說：「做父母梗係錫仔女啦！」他又嘆氣說：「一世人我幾十歲，佢十幾歲，我幫佢、錫佢，佢又唔知……」愛子之情溢於言表。
街坊稱，以往李伯不時向鄰居賒借，兒子犯事被拉上差館，他又會向坊眾借錢保釋。街坊指李伯兩老有兩子，長子遷出多年，留下他們與幼子同住，日常生活都靠幼子照顧，所以他們都十分疼錫這幼子。
昨日傍晚，記者再登門造訪，但李伯不肯開門，他說長子着他們不要出門，所以他們不敢外出。
記者隔着門與李伯對話，見他屋內烏燈黑火，問他為何不亮燈，李伯說：「慳電呀！」這時候他又說兒子取了他幾千元綜援金，說代交水電費，但結果沒有交。記者問：「咁你𠵱家係咪冇晒錢呀？」李伯說：「有，仲有五百！」
房署今日派人送飯
記者再問他斬子一事，李伯又說：「今次係好衝動嘅事！」記者問他今晚吃甚麼晚飯，他謂：「食飯囉，冇餸呀！」又謂房署今日會派人安排送飯給他們。