長實何文田豪宅新盤半山壹號，推售短短一個禮拜，已經賣出超過230個單位，以平均每個賣3000萬元計，發展商套現超過70億元，反映香港人嘅購買力真係好強勁。因應物業承接力驚人，發展商由原先打算賣250個就封盤，最終欲罷不能，決定加推50伙至300個，預期300個單位沽清，可以套現接近90億元。
加推單位主力係25樓以上單位，平均呎價1.4萬元，同首批單位相若，入場費約2100萬元。有意趁發展商加推入市嘅準買家，可到紅磡漁人碼頭商場睇樓，之後揸車去九龍塘又一城Shopping，雖然仲有十幾日先至係父親節，不過又一城商場已率先推出免費泊車優惠，由今日起至15日父親節正日，於商場內購物或飲食消費滿1500蚊，憑收據就有兩小時免費泊車，記得帶埋爸爸嚟啦！