無綫綠葉王李國麟大前日凌晨到清水灣銀灣花園探朋友，離開時被附近居民一隻狼狗咬傷右小腿，隨行的友人即時替他報警，警方和漁農署人員派員到案發現場把涉嫌咬人的狼狗帶走，而他連日來都要到醫院清洗傷口，以免發炎。
停拍新劇
李國麟昨日再到將軍澳醫院接受治療，醫生檢查傷口後，發現沒發炎情況，決定替他的傷口縫針，他昨日在電話中說：「縫咗幾多針都唔知，因為好痛吓，傷口都長成差唔多兩吋，仲幾深吓，所以醫生話要用啲粗線同我縫，咁樣傷口冇咁易爆開，大約兩個星期先可以拆線，呢排雖然《溏心風暴之家好月圓》趕埋尾，但我都暫時開唔到工，好彩監製都好體諒。」
此外，李國麟表示這次受傷令他的囡囡十分擔心，他說：「不過講咗都可以教佢以後出街要小心啲，尤其對啲大狗要有警惕。」
採訪：比華利