蘋果批Online
今天《蘋果批Online》五時開騷
Click入http://pie.appledaily.com收看
歡迎透過web-cam即時發表意見或致電29908648安排親身上場
電郵：mailto:[email protected]
網誌：http://pieatapple.wordpress.com
政客為求推出一啲政治正確嘅措施，可以唔講道理、唔理市民喺高通脹之下嘅感受；例如噚日通過嘅食品標籤法，就會令好多由東南亞等地直接入口嘅廉價食品絕迹於市場，但偏偏政客就充耳不聞。下一步，政客又準備通過令市民百上加斤嘅膠袋稅……
主持：楊卓華 高明輝
1
政客話，營養標籤法係為咗市民健康，但大家知道，營養標籤同健康毫無關係；美國三十年前引入卡路里等食品標籤，但同時期癡肥人數卻倍增。可以肯定嘅係，市民（加上家庭傭工）一向喜歡喺小商店買到、由東南亞入口嘅地道食品，好多將會因而絕迹市場。
政客為咗推膠袋稅，又夾硬話市民「濫用膠袋」，事實上，香港作為國際級大都會，市民仍保留儲起購物膠袋做垃圾袋嘅樸素習慣，喺歐美並唔多見。
政客仲話膠袋有份逼爆堆填區，但其實超市膠袋估計只係佔總體垃圾少過1%。
數據顯示，整體垃圾量當中，購物膠袋微不足道，相反，紙類廢物比例往往就大好多，例如美國市政堆填區入面，就有超過四成來自舊報紙等紙類廢料。
2
政府委託嘅顧問報告列出幾個外國例子，都指出膠袋稅對環境有負面影響，例如其他物料使用量會因而急升，更加唔環保。不過政客就隻字不提，根本就唔係真正關心環保。
膠袋貴咗啲之後，市民會被迫轉用更貴、更唔環保嘅紙袋，特別??家通脹咁嚴重，對小市民生活影響就更大…
