謝霆鋒太太張栢芝多次傳出再度懷孕喜訊，霆鋒昨日聲稱身體狀況良好，只是忙於拍戲沒有時間造人，同時他又拒絕與栢芝一起出席6月1日舉行的賑災活動，以免焦點集中在他們身上令活動變質。
謝霆鋒、張家輝、張靜初及鍾舒漫昨日在中環出席電影《証人》開鏡活動，其間家輝、霆鋒在藝穗會附近拍攝一幕撞車戲，霆鋒的造型頭破血流，效果驚人。向來黐身的張栢芝未見往現場探班，霆鋒被問到栢芝是否再度懷孕？霆鋒說：「未，我唔識呃人，最多就係唔答，𠵱家日日開工拍戲，跟住又要返泰國拍《風雲II》，我唔想拍紮馬戲時導演問我做乜腳震震，但只係時間問題，我身體冇事。」
與災區女童聯絡
謝婷婷提議兄嫂二人一起出席6月1日的賑災活動募捐，但霆鋒不想焦點集中在他們夫婦身上，影響活動運作，他說：「我哋兩公婆出嚟，焦點變咗唔喺賑災，我覺得做善事唔係要出名亦唔係比賽，我私底下做咗幾多唔使講，我喺福州起咗學校都冇講過，善事應該係由心去做唔係比較做幾多。噚日（即前日）我收到四川有間醫院透過紅十字會搵我，話有幾個小朋友想同我通電話，其中一個就係早排地震時受傷要切咗一隻腳、跳芭蕾舞嘅女仔，我都有同佢哋傾偈。」
張靜初再演媽媽
此外，張靜初在戲中扮演育有兩名小孩的檢察官，她說：「第二次演媽媽角色，幸好小孩都是女孩子，她們都很乖，自問現實中暫時未有作母親的打算。」至於張家輝在戲中有不少動作場面，他笑言希望可以用替身上陣。
採訪：魯萍
攝影：陳慧安
