李曾超群噚日喺中環錄影陳志雲主持嘅節目《志雲飯局》，陳志雲送咗幅李太肖像畫做見面禮，佢哋仲一齊整蛋糕㖭。李太以前嘅超群西餅好多人都識，不過已經結業多年，陳志雲話超群西餅陪住佢成長，佢好佩服李太年近80仲繼續進修，佢又知道有好多名人跟李太學煮餸，所以會喺訪問度問吓李太有邊個係教識徒弟冇師傅嘅。