剛簽約楊紫瓊經理人公司的林熙蕾，前晚剛從台灣抵港，便馬上亮相《蘋果》網站直播節目《娛樂開CHAT》，主持懷鈺與她談到近來有很多香港女星紛紛進軍荷李活，林熙蕾表示最難就是要了解當地文化及語言，她說：「兩地文化唔同、language唔同囉，因為唔係由細到大都喺嗰邊住，所以一定要用時間去了解吓嗰邊嘅culture，如果唔係點演啲角色。」
另外，今次來港宣傳新戲《文雀》的林熙蕾，大讚拍檔任達華是位很有味道的男人，更大讚曾經合作過的鄭伊健，她說：「嘩！我第一次見佢覺得佢好靚仔有型。」
對於曾和她傳緋聞的朱孝天，她說：「佢都幾有型，同好認真。」她更坦言望找一位認真及好酒品的男人做男友。大家可登入《蘋果》網站 http://ent.appledaily.com重溫節目。採訪：葉雪 攝影：陳俊強
懷鈺髮型：MattChiu（XENTERJUT）
台灣多大男人 George
George：頭先你講嗰套《文雀》拍咗咁多年，咁咪要keep住差唔多嘅樣同身形？
林熙蕾：係呀，所以我拍完之後，你睇我即刻剪短晒啲頭髮。
George：呢套《文雀》拍咁耐，相比起其他戲例如《神探》，會唔會難好多？
林熙蕾：都唔會，但係最辛苦係時間囉，因為時間好長，會擔心自己會唔會入唔番個角色。
George：林熙蕾你成日台灣香港兩邊走，咁你覺得台灣男士好啲定香港男士好啲呀？
林熙蕾：（大笑）台灣男士比較大男人。
George：我都覺得係。
林熙蕾：我覺得香港嘅男仔會比較gentlemen啲囉。
望演變態角色旺角 Sam
Sam：我係你啲fans，我平時都好鍾意睇你啲戲呀。咁頭先聽你講話簽咗楊紫瓊間新公司啦，咁有冇啲男明星想合作？
林熙蕾：我最想合作嘅演員係DenzelWashington（丹素華盛頓），另外就係《FightClub（搏擊會）》嘅EdwardNorton（愛德華諾頓）。
Sam：林熙蕾你都拍過好多角色啦，咁嚟緊想拍啲乜類型嘅角色呢？
林熙蕾：嚟緊我希望可以拍《TheSilenceoftheLambs（沉默的羔羊）》中AnthonyHopkins（安東尼鶴健士）嘅角色，佢係食人肉嘅。
主持：吓，乜你想演啲變態角色？
林熙蕾：係呀，因為我覺得演呢啲角色，對於演員嚟講好有挑戰性。
袁彩雲下周同你CHAT
各位娛樂版擁躉，有興趣和你的偶像傾談嗎？《娛樂開CHAT》將請來袁彩雲擔任嘉賓，於6月3日（下周二）與讀者談天說地，參加者同時有機會得到偶像珍藏禮物，只要你有webcam及headset，並於當日6:30pm準時登入 http://ent.appledaily.com即可，節目於當晚7:00pm在《蘋果》網站直播。
