胞弟車禍陰影難消
馮仁昭四圍超：黎姿賣晒座駕拒打的 - 馮仁昭

黎姿（GiGi）噚日身穿一條過萬元、兼且喺香港未有得發售嘅Blumarine裙去到鴨脷洲出席「瑪莎拉蒂跑車新旗艦－GranTurismoS」嘅新車發佈會，大會安排佢坐住由賽車手關兆昌駕駛嘅跑車進場。
GiGi話自己一向對歐洲車都係情有獨鍾，就連現場展覽價值超過170萬嘅新車，佢都會獲得折扣價，所以佢有少少心郁郁想買新車。

今日赴四川

自從GiGi嘅細佬黎嬰坐的士遇上交通意外之後，佢𠵱家出入都冇再自己揸車，多數都係由司機接送。GiGi強調一定唔會搭的士，因為佢嘅心理陰影好大，同埋佢已經將之前買落嘅私家車都賣晒出去。此外GiGi今日會起程到四川災區探訪，佢會帶備食水同杯麵充飢。