張震有份演出的電影《深海尋人》將於下月12日上映，他近日四出宣傳谷戲，對於同樣有份演出的梁洛施（Isabella）將不會出席有關宣傳活動，張震表示會體諒她，並說：「咁佢做唔到，都會有佢自己嘅理由。」
張震近日為下月上映、由徐克執導的電影《深海尋人》宣傳，戲中張震首次飾演一位精神病患者，更不時看到靈異物體，雖然是次演出跟以往不一樣，他謂幸好徐克導演拍得十分精細，故他演繹時未有太大壓力。
Isabella也有份演出《深》片，有報道指她將不會為該片宣傳，張震日前接受本報記者專訪時表示不知情，他說：「我同佢第一次合作，但大家好少戲，唔係好熟。呢套戲嘅演員咁多，都會幫手做宣傳，咁佢（Isabella）做唔到都會有佢自己嘅理由。」問張震可信Isabella與李澤楷訂婚？他說：「佢冇同我講，我唔知，即使佢訂婚都唔會同我講。」
李澤楷笑笑口
對於模特兒女友吳家欣（Tanya）真空上陣拍寫真，問他會否以行動支持女友？他說：「我哋會互相尊重大家嘅工作。」問到可有打算與女友結婚，張震說：「結婚呢樣嘢我真係未諗過。」另外，張震昨日在台灣出席侯孝賢新片《紅汽球》首映，對於女友Tanya自爆雙性戀，他沒有任何回應，向記者報以不以為然的表情。
此外，李澤楷昨日在鰂魚涌出席電訊盈科股東大會，當他離開時被問到是否與女友Rachel已分手，與Isabella正蜜運中，他禮貌地報以微笑，揮揮手示意不作回答，便匆匆離開。
採訪：王崇穎、胡比
攝影：葉君海