麥浚龍（Juno）前晚單拖出席西九Diesel派對，而陳冠希（Edison）陣營的陳見飛及農夫也同場出現，對於有指Juno的父親閂水喉欲拆散他與鍾欣桐（阿嬌）的報道，他表示：「我同屋企財政分開，賺到錢自己生活，屋企冇畀錢。」
有傳阿嬌財困賣樓套現一事，Juno表示：「我啱啱由巴黎返嚟，知佢𠵱家上緊跳舞堂，一路都有通電話，唔知佢要賣樓，總之佢喺電話入面各樣都好開心，我都戥佢開心。」
否認資助
問Juno有否金錢上資助阿嬌？他表示：「至到𠵱家都冇咁嘅事。」Juno透露現正忙於時裝義賣為四川賑災，他說：「希望可以籌到80萬至100萬，好多舖頭已經訂咗貨。」
對於早前阿嬌捐出10萬元賑災，Juno表示：「做慈善唔係比賽，每個人出分力，自己喺地震第一日已經捐咗10萬。」其後Juno由保鑣護駕下參加派對，他全程自隊香檳，邊飲酒邊踱步煲電話粥，尾隨的保鑣跟着他氹氹轉，但他只逗留15分鐘便返回淺水灣寓所。採訪：顏英儀
攝影：林德雄、娛樂突發組