四川發生八級大地震，演藝界熱心賑災，昨日劉德華率領鄭秀文與無綫及亞視的代表前往災區作探訪，出發的藝人都是揹背囊，輕身上機，無綫代表林保怡與陳芷菁在機場接受訪問時說：「𠵱家唔係去旅行，當然行裝越輕便越好，黑超都唔應該戴，因為我哋要用雙眼同災民溝通。」
千嬅唱歌致謝
他們剛說完，容祖兒就施施然戴着黑超來到，認真別樹一格，祖兒表示：「我帶咗好多糖果同麵畀災區小朋友，將香港人嘅愛心帶畀災民。」譚詠麟昨日到機場送機時表示：「因為今晚仲有工作，所以我聽日先出發會合華仔等人。」
昨天剛從外地返港的楊千嬅和任賢齊，即時到佐敦一個錄音室錄歌。千嬅說：「前日收到公司email，所以做完美國巡迴演唱會即刻趕返嚟錄歌，之後再去成都出席音樂會。」小齊在旁補充：「𠵱家想趕得切喺6月2日放上網畀人download，所有收入就捐畀同胞，而所有工作人員就唔收錢做。」
採訪：張俊銘
攝影：陳順禎